ပတိပထႃပိူဝ်ႈႁူႉၸႅင်ႈမၢၵ်ႈၽူလ်ႇၶွင်ပူၵ်ႉၵူလ်တၢင်းလၢႆ(ၼယထိ.2)

ပတိပထႃပိူဝ်ႈႁူႉၸႅင်ႈမၢၵ်ႈၽူလ်ႇၶွင်ပူၵ်ႉၵူလ်တၢင်းလၢႆ(ၼယထိ.2)

ၽိၵ်ၶူတၢင်းလၢႆ ! ထမ်း 5 ပိူင်ၸိူဝ်းၼႆႉမိူဝ်ႈပူၵ်ၵုလ်ႇ တိုဝ်းၵမ်ႁဵတ်းႁႂ်ႈၼမ်ယဝ်ႉ ၸိုင်ပဵၼ်ၵႂႃႇပိူဝ်ႈ လွင်ႈမိူဝ်ႈၸၢၼ်ႈမႃးႁင်းၵူၺ်း(ဢေၵၼ်တၼိပ်ၽိထ) 

ပိူဝ်ႈလွင်ႈၶၢႆးဢွၵ်ႇလွင်ႈၵမ်မၼ်ႈ(ဝိရႃၶ) 

ပိူဝ်ႈလွင်ႈမွတ်ႇလူႉ (ၼိလေႃးထ) 

ပိူဝ်ႈလွင်ႈၵတ်းယဵၼ် (ဢုပသမ) 

ပိူဝ်ႈလွင်ႈႁူႉတွၼ်း ( ဢၽိၺ်ၺႃ) 

ပိူဝ်ႈလွင်ႈႁူႉၽွမ်ႉ (သံၽေႃးထ) ပိူဝ်ႈၼိပ်ႉပၢၼ်ႇ

ထမ်း 5 ပိူင်ၼင်ႇႁိုဝ် ?   5 ပိူင်ၼၼ်ႉပဵၼ် ၽိၵ်ၶူၼႂ်းၸိူဝ်းၼႆႉ

1. ပဵၼ်ၽူႈမီးပၵတိၸွမ်းႁၼ်လွင်ႈဢမ်ႇႁၢင်ႈလီ ၼႂ်းတူဝ်ၵႃႇယယူႇ ။

2. ပဵၼ်ၽူႈမီးပၵတိႁူႉဝႃႈ ပတိၵုလ်ၼႂ်းဢႁႃရယူႇ ။

3. ပဵၼ်ၽူႈမီးပၵတိႁူႉဝႃႈ ပဵၼ်လွင်ႈဢမ်ႇယိၼ်းလီၼႂ်းလေႃးၵတၢင်းသဵင်ႈယူႇ ။

4. ပဵၼ်ၽူႈမီးပၵတိႁၼ်လွင်ႈဢမ်ႇမၼ်ႈၵိုမ်းၼႂ်းသင်ၶႃရတၢင်းလၢႆယူႇ ။

5. မရၼသၺ်ယႃး ပဵၼ်လွင်ႈဢၼ်ၽိၵ်ၶူၼၼ်ႉ ၶဝ်ႈၵႂႃႇတင်ႈဝႆႉလီယဝ်ႉ ၼႂ်းၽၢႆႇၼႂ်း ယူႇ ။

ၽိၵ်ၶူတၢင်းလၢႆ ! ထမ်း 5 ပိူင်ၸိူဝ်းၼႆႉလႄႈ မိူဝ်ႈပူၵ်ၵုလ်ႇ တိုဝ်းၵမ်ႁဵတ်းႁႂ်ႈၼမ်ယဝ်ႉ ၸိုင်ပဵၼ်ၵႂႃႇပိူဝ်ႈလွင်ႈမိူဝ်ႈၸၢၼ်ႈမႃးႁင်းၵူၺ်း(ဢေၵၼ်တၼိပ်ၽိထ) 

ပိူဝ်ႈလွင်ႈၶၢႆးဢွၵ်ႇလွင်ႈၵမ်မၼ်ႈ(ဝိရႃၶ)

 ပိူဝ်ႈလွင်ႈမွတ်ႇလူႉ (ၼိလေႃးထ)

 ပိူဝ်ႈလွင်ႈၵတ်းယဵၼ် (ဢုပသမ) 

ပိူဝ်ႈလွင်ႈႁူႉတွၼ်း (ဢၽိၺ်ၺႃ) 

ပိူဝ်ႈလွင်ႈႁူႉၽွမ်ႉ (သံၽေႃးထ)  ပိူဝ်ႈၼိပ်ႉပၢၼ်ႇ ၼင်ႇၼႆ။

--------

ဢိင်ၶေႃႈမုလ်းပီတၵတ်ႈၽၢႆႇထႆး

ပၺ်ၸၵၼိပႃတ ဢင်ၶုတ်တရၼိၵႃယ

ပႃလိ ၊ ပၺ်ၸၵ ၊ ဢံ ၊ 22/9

Read More

ပတိပထႃပိူဝ်ႈႁူႉၸႅင်ႈမၢၵ်ႈၽူလ်ႇၶွင်ၽူႈၵူၼ်းတၢင်းလၢႆ (ၼယထိ.1)

 

ပတိပထႃပိူဝ်ႈႁူႉၸႅင်ႈမၢၵ်ႈၽူလ်ႇၶွင်ၽူႈၵူၼ်းတၢင်းလၢႆ (ၼယထိ.1)

 

ၽိၵ်ၶူတၢင်းလၢႆ ! ၵူၼ်းၵေႃႉလႂ်ၵေႃႉၼိုင် တေပဵၼ် ၽိၵ်ၶူၵေႃႈယဝ်ႉ တိုဝ်းၵမ် ႁဵတ်းႁႂ်ႈၼမ် ၼႂ်းထမ်း 5 ပိူင် ၽူႈၼၼ်ႉပိုင်ႈဢဵၼ်းဢၢၼ်းဢၼ်လႂ်ဢၼ် ၼိုင်ႈလႆႈ ၼႂ်းၵႃႈၽွလ်းတၢင်းလၢႆ 2 ပိူင် ဢၼ်ပဵၼ်

ဢရႁံတႃၽူလ်ႇ ၼႂ်းတိတ်ထထမ်း(ယၢမ်းလဵဝ်)

ႁိုဝ်ဝႃႈ ပဵၼ်ဢၼႃၵႃမီၽူလ်ႇ မိူဝ်ႈတိုၵ်ႉမီးဢုပႃထိ (ၸိူဝ်ႉ) လိူဝ်ယူႇ

ၽိၵ်ၶူတၢင်းလၢႆ ! ထမ်း 5 ပိူင်ၼၼ်ႉပဵၼ်ၸိူင်ႉႁိုဝ် 5 ပိူင်ၼၼ်ႉပဵၼ်

1မီးသတိဢၼ်တူဝ်ၵဝ်ႇၶဝ်ႈၵႂႃႇတင်ႈမၼ်ႈဝႆႉလီယဝ်ႉၼႂ်းၽၢႆၼႂ်းၼၼ်ႉ ပိူဝ်ႈၵိူတ်ႇပၺ်ႇၺႃႇႁူႉ

  လွင်ႈၵိူတ်ႇၶိုၼ်ႈ လႄႈမွတ်ႇၵႂႃႇၶွင်ထမ်းတၢင်းလၢႆ

(ဢသ်သတ်တၺ်ယေဝ သတိ သုပတ်ထိတႃ ႁေႃတိ ထမ်မႃၼံ ဢုထယတ်ထၶႃမိၼိယႃပၺ်သႃယ)

2.မီးပၵတိၸၸွမ်းႁၼ်လွင်ႈဢမ်ႇႁၢင်ႈလီၼႂ်းတူဝ်ၵႃယတၢင်းသဵင်ႈယူႇ

(ဢသုၽၼုပသ်သီ ၵႃယေ ဝိႁရတိ)

3. မီးလွင်ႈႁၼ်ဝႃႈ ဢႁႃရတၢင်းၵိၼ်ပဵၼ်ပတိၵုလ် ၶွင်ပူၺ်ႇၼဝ်ႈ

(ဢႃႁႃရေ ပတိၵ်ၵုလ်သၺ်ယီ)

4. မီးလွင်ႈႁၼ်ဝႃႈၼႂ်းလေႃးၵတၢင်းသဵင်ႈဢမ်ႇမီးသင်ဢၼ်လီယိၼ်းၸူမ်းသိူဝ်း

(သၽ်ၽလေႃးၵေ ဢၼၽိရတသၺ်ယီ)

5. မီးပၵတိၸွမ်းႁၼ်လွင်ႈဢမ်ႇတဵင်ႈၶွင်သင်ၶႃရ တၢင်းသဵင်ႈ

(သၽ်ၽသင်ၶႃရေသု ဢၼိၸ်ၸႃၼုပသ်သီ)

ၽိၵ်ၶူတၢင်းလၢႆ ! ၵူၼ်းၵေႃႉလႂ်ၵေႃႉၼိုင် တေပဵၼ် ၽိၵ်ၶူၵေႃႈယဝ်ႉ တိုဝ်းၵမ် ႁဵတ်းႁႂ်ႈၼမ် ၼႂ်းထမ်း 5 ပိူင် ၽူႈၼၼ်ႉပိုင်ႈဢဵၼ်းဢၢၼ်းဢၼ်လႂ်ဢၼ် ၼိုင်ႈလႆႈ ၼႂ်းၵႃႈၽွလ်းတၢင်းလၢႆ 2 ပိူင် ဢၼ်ပဵၼ်

ဢရႁံတႃၽူလ်ႇ ၼႂ်းတိတ်ထထမ်း(ယၢမ်းလဵဝ်)

ႁိုဝ်ဝႃႈ ပဵၼ်ဢၼႃၵႃမီၽူလ်ႇ မိူဝ်ႈတိုၵ်ႉမီးဢုပႃထိ လိူဝ်ယူႇ လႄႈ ။

-------

ဢိင်ၶေႃႈမုလ်းပီတၵတ်ႈၽၢႆႇထႆး

ပၺ်ၸၵၼိပႃတ ဢင်ၶုတ်တရၼိၵႃယ

ပႃလိ ၊ ပၺ်ၸၵ၊ ဢံ ၊ 22/161/122

Read More

ၽွၼ်လီမႂ်မၢၵ်ႇမူင်ႈ

 တူၼ်ႈမၢၵ်ႇမူင်ႈ မီးသၢႆၽၼ်း (30)သၢႆၽၼ်း မၢၵ်ႇမူင်ႈဝွၵ်း မၢၵ်ႇမူင်ႈလူင် မၢၵ်ႇမူင်ႈဢွၼ်ႇ မၢၵ်ႇမူင်ႈႁွမ် မၢၵ်ႇမူင်ႈၼူၵ်ႉၶဵဝ် မၢၵ်ႇမူင်ႈၼိူဝ်ႉဢူၵ်း မၢၵ်ႇမူင်ႈႁွၼ်ၵႆႇ မၢၵ်ႇမူင်ႈလိူင်ၶမ်း မၢၵ်ႇမူင်ႈသႅင်ၶဵဝ် မၢၵ်ႇမူင်ႈငႃးၸၢင်ႉ မၢၵ်ႇမူင်ႈၶဝ်ႈဢၢၼ် မၢၵ်ႇမူင်ႈၼမ်ႉၽိုင်ႈ မၢၵ်ႇမူင်ႈလွၺ်ႈ မၢၵ်ႇမူင်ႈသိပ်းပီะ မၢၵ်ႇမူင်ႈထိူၼ်ႇ ၸိူဝ်းၼႆႉ သေ တေမီး ဢရသႃႇ သူမ်ႈ ၶူမ် ၽၢတ်ႇ ဝၢၼ် ႁွမ် ႁိုၼ်း ၶႃႈ.....

တူၼ်ႈမၢၵ်ႇမူင်ႈၼႆႉ ပဵၼ်ဢၼ်ၽုၵ်ႇငၢႆႈ ဢဝ်မဵတ်ႉမၼ်းဝၢင်းတမ်းဝႆႉတီႈၸိုဝ်ႉ/လိၼ် တေငွၵ်ႈဢွၵ်ႇမႃး ပေႃးယၢဝ်းၼိူင်ႈၸွမ်း ဢဝ်ၶၢႆႉၵႂႃႇၽုၵ်ႇဝႆႉတီႈၼ်ႂးသူၼ် ၶုတ်းလုမ်လုၵ်းသွင်လိုၵ်ႉၶိုပ်ႈ ၵႂၢင်ႈၼိူင်ႈသွၵ်ႇ လုမ်လုၵ်းႁၢင်ႇၵၼ် (1/2)ဝႃး ပေႃးၵပ်းတူၼ်ႈမၼ်းၼႆၸိုင်( 1)ပီะပၢႆ(6)လိူၼ် ၵေႃႈတေမွၵ်ႇ မၢၵ်ႇ ပေႃးဢမ်ႇၵပ်း ယ်ႂႇၸွမ်းသၽႃႇဝတူၼ်ႈ (3)ပီะပၢႆ ၸင်ႇမၢၵ်ႇၶႃႈ.....

တူၼ်ႈ ႁဵတ်း ပႅၼ်ႈ ၶွၵ်းလၢႆးႁဵတ်းမွၵ်ႇမ်ႂ ၶိူင်ႈၸ်ႂႉ ၶူဝ်းတိုဝ်း လႄႈ ၽိုၼ်း မွၵ်ႇၵိၼ် မၢၵ်ႇၵိၼ် ယွတ်ႈၵိၼ် မ်ႂၵႄႇၵိၼ် ဢဝ်ၸ်ႂႉတိုဝ်းလႆႈ တင်းတူၼ်ႈၶႃႈ.....

မၢၵ်ႇမူင်ႈၼႆႉ ပဵၼ်မၢၵ်ႇမႆႉတၢင်းၵိၼ် ဢၼ်မီးဢႁႃႇရ တၢင်းၵိၼ်ဝၢၼ် မီးၽွၼ်းလီ တေႃႇတူဝ်ၵူၼ်းၼမ်တေႉ" မၢၵ်ႇမူင်ႈမီးထၢတ်ႈ Vitamin A.B.C (Potassium magnesium)တဵမ်"ထူၼ်ႈ" လႄႈ လီတႃႇပၢႆးယူႇလီတေႉ"ၶႃႈ.....

.................ၽွၼ်းလီ................

1.မၢၵ်ႇမူင်ႈ တေလီတေႃႇၽဵဝ်ၼိူဝ်ႉ ၽဵဝ်ၼင် လုပ်ႇ ၶဵဝ်ႈ ၶူၼ်ႁူဝ် ၸွႆႈယွမ်းပၼ်ၵၢၼ်ထဝ်ႈၵႄႇထဝ်ႈၶႃႈ.....

2. ယွတ်ႈ မ်ႂ (Mango Leaf) မီးၽွၼ်းလီ ဢဝ်ၸ်ႂႉတိုဝ်း ႁဵတ်းယႃႈယႃလီတေႉ" မ်ႂမီးထၢတ်ႈ (anthocyanidins) ၸိူဝ်းၼႆႉလႄႈ ယႃလႆႈလိူတ်ႈၶိုၼ်ႈ လိူတ်ႈဝၢၼ် ပိတ်းဢဝ်မ်ႂၵႄႇမၼ်း တင်ႈၼမ်ႉဢုၼ်ႇ" ၸေႈဝႆႉ(1)ၶိုၼ်း ၸႅတ်ႈဢဝ်ၼမ်ႉမၼ်းၵိၼ်ပၼ် မိူၼ်ၼမ်ႉဢုၼ်ႇၵတ်းၼႆၸိုင် လိူတ်ႈၶိုၼ်ႈ လိူတ်ႈဝၢၼ် တေယွမ်းလူင်း ၸိုၼ်ႈၶႅၼ်းလီၶႃႈ.....

3. ပေႃးပဵၼ်လီႉ ယဵဝ်ႈၸဵပ်း ယဵဝ်ႈၵႅၼ်း ဢဝ်မ်ႂၵႄႇ တၢၵ်ႇႁႅင်ႈ ဢိတ်ႇႁဵတ်းၽွင် သ်ႂႇတိင်ႇ/ထူင်ၸေႈဝႆႉ ၵိၼ်လေႃးၼမ်ႉဢုၼ်ႇ မၢၵ်ႇလီႉတေတူၵ်း တေလီၶိုၼ်ႈႁၢႆၶႅၼ်းလီၶႃႈ.....

4. ပေႃးဢမ်ႇယူႇလီ ဢႆ သဵင်ႁၢႆ ဢူၵ်းၵပ်ႉ ႁ်ႂႈဢဝ် ယွတ်ႈ မ်ႂၵႄႇ မႃးတူမ်ႈ/လေႃႇ သ်ႂႇလေႃးၼမ်ႉၽိုင်ႈ ၵိၼ်ပၼ် တေလီၶိုၼ်ႈၶႅၼ်းလီၶႃႈ.....

5. ပေႃးႁိူဝ်ႉဢူၼ်ႈၼူၼ်း ၸ်ႂသုၵ်ႉသီႈ သုၵ်ႉသၢၵ်ႉ ႁ်ႂႈဢဝ်မ်ႂမၢၵ်ႇမူင်ႈ ထုၵ်ႉထိတ်ႉသ်ႂႇၼ်ႂးၼမ်ႉဢၢပ်ႇ ဢဝ်မ်ႂယွတ်ႈႁုမ်းၾႆး သုတ်ႇၼူမ် တေၸိုၼ်ႈၸၢင်ႇပၢင်ႇၶႃႈ.....

6.ပေႃးပဵၼ်လူမ်းမႆႈ ပၢၵ်ႇမဵၼ် လိၼ်ႉပွင်း ဢဝ်မ်ႂၵႄႇမၼ်းတူမ်ႈသေ ပူၼ်ႈပၢၵ်ႇၶႃႈ.....

7.ပေႃးပီးႁႅင်း/ၼမ်ႉၼၵ်းတူဝ်ၼမ် ဢဝ်ယွတ်ႈ/မ်ႂၵႄႇ မႃးတူမ်ႈၵိၼ် တေၸွႆႈထိင်းပၼ် ၼမ်ႉၼၵ်းၼ်ႂးတူဝ် တေယွမ်းလူင်းၶႃႈ.....

8. 1.Deals with Diabetes.

2.Respirators aer also taken care of.

3.throat problems and hiccups are treated as well. ၸိူဝ်းၼႆႉၶႃႈ.....

Read More

ၵူၼ်းၵႃႉပီႈၼွင်ႉတႆးႁဝ်းမိူဝ်ႈၵွၼ်ႇ

 ၽႅၼ်ႇလိၼ်မိူင်းတႆး ၵိုၵ်းမႃးၼိူဝ်ၼႃႈလိၼ်ၵမ်ႇၾႃႇ.....

သၼ်လွႆလူင်မိူင်းတႆး ၾဵင်ႈၾႃႉ ရႃႇသီႇဢူႉတႃႉ 3 ၶၢဝ်း တိုၵ်ႉထုၵ်ႇမႅၼ်ႈ ၵတ်းယဵၼ်လီ ၼမ်ႉ လိၼ် ႁဵၼ် ၽႃ တိူၵ်ႇ ႁႆะ လွၵ်းၼႃး သူၼ် မီးၽုၼ်ႇင်ႂႈၶႅမ်ႉလီ ၽုၵ်ႇသင်ၵေႃႈၶႅမ်ႉ လဵင်ႉသတ်းၵေႃႈၸဵဝ်းၽႄႈ မႆႉမူဝ်ႇ မႆႉၸိင် ၶိူဝ်းဝၢႆ ၶူဝ်းၶွင်ၵိုင်ႇၵႃႈမီးၶၼ် ၼိူဝ်လိၼ် ၼ်ႂးၼမ်ႉ တ်ႂႈလိၼ် ၼမ်ၶွၼ်ႈ ၸိုၼ်း ငိုၼ်း ၶမ်း သႅင် လဵၵ်း ႁႄႈ တွင်း သွတ်ႈ ထၢၼ်ႇၾႆးငိူၵ်ႈ ယၢမ်း ၼမ်ႉမဵၼ် ၼႃးၵိူဝ် တဵမ်ထူၼ်ႈဝႆႉၵူะမဵဝ်းၶႃႈ.....

မိူင်းတႆးမီး 3 တွၼ်ႈ

1. ပွတ်းဢွၵ်ႇ

2. ပွတ်းၸၢၼ်း

3. ပွတ်းႁွင်ႇ

ၼႃႈလိၼ်မိူင်းတႆးပွတ်းၸၢၼ်း တိတ်းၸပ်း မိူင်းထႆး ၵဵင်းႁၢႆး ၵဵင်းမႆႇ မႄႈႁွင်ႈသွၼ် မိူင်းယၢင်းၽိူၵ်ႇ မိူင်းယၢင်းလႅင် မိူင်းမၢၼ်ႈ ၶႃႈ.....

ၼႃႈလိၼ်ပွတ်းဢွၵ်ႇ တိတ်းၸပ်း သိပ်းသွင်ပၼ်းၼႃး မိူင်းၶႄႇ ၼမ်ႉထႃး ၶႃႈ.....

ၼႃႈလိၼ်တၢင်းႁွင်ႇတိတ်းၸပ်း မိူင်းၶႄႇ ပဝ်ႇသၢၼ်း မိူင်းယူႇၼၢၼ်ႇ ၶႃႈ.....

ၵူၼ်းၵႃႉတႆးမိူဝ်ႈၵွၼ်ႇၵေႃႈ ၸင်ႇတေ ဢဝ်တိုၼ်းလၢင်း ၵႃႉၶၢႆ ၵႂႃႇငၢႆႈမႃးလူမ် လၢႆ"ၽၢႆႇ လၢႆ"တၢင်း ဢဝ်တၢင်းၵႃႉတၢင်းၶၢႆ သ်ႂႇထူင် သ်ႂႇထွင်း တဵင်ႇ ၸေး ၵွၼ်း ႁၢပ်ႇ တၢင်ႇမႃႉ တၢင်ႇဝူဝ်း တၢင်ႇလေႃႉ တၢင်ႇၸၢင်ႉ ၵႂႃႇၵႃႉ ၵူး ၶၢႆ လႅၵ်ႈ လၢႆႈ ပိၼ်ႇ ပႆႇ ဢွင်ႇ မၢၼ် လႆႈလၢႆ"တၢင်း ပၢႆးၼ်ႂးၵၢတ်ႇ ၶၢႆၼ်ႂးမိူင်း တေႃႉၶဝ်ႈၼ်ႂးဝဵင်းတၢင်ႇယၢၼ်ႈ ဢိၵ်ႇပႃးၼွၵ်ႈမိူင်းၸိူဝ်းတိတ်းၸပ်း ၸိူဝ်းၼၼ်ႉၶႃႈယဝ်ႉ.....

Read More

ၾိင်ႈယူႇၵိၼ်ၸၢဝ်းႁႆႈၸၢဝ်းၼႃးတႆးမိူဝ်ႈၵွၼ်ႇ

 

ၶၢဝ်းႁိူဝ်ႉပူၼ်ႉၵႂႃႇ ဢွၵ်ႇဝႃႇမႃးထိုင် ၸဝ်ႈႁႆะ ၸဝ်ႈၼႃး ၸဝ်ႈသူၼ် ပၢတ်ႇၶဝ်ႈ ပုမ်ႇၶဝ်ႈ ပေႃႉၶဝ်ႈ သၢၼ်ယွင် သၢၼ်ယေး သၢၼ်တွမ်ႇ ၵေႃႇယေးဢုတ်ႇ ၵႄႈ/ၶႅၵ်းယေးႁိၼ် သၢၼ်ယေးၽႃ ၶဝ်ႈပိူၵ်ႇသူႇယွင် မၢၵ်ႇသူႇတဝ်ႈ ၼမ်ႉတဵမ်ယွင်/ပုင်း/တႅင်ႇၵီႇ ၶႃႈ.....

လၢႆးသၢၼ်ယွင်ၶဝ်ႈပိူၵ်ႇ

သၢၼ်ယွင် သၢၼ်ယေး မႆႉ(7)လုၼ်ႈ ၵႂႃႇၸေႈၼမ်ႉၵႄး(7)ဝၼ်းယဝ်ႉ ၶိုၼ်းဢဝ်မႃးလၢမ်ၽႆးၽိူင်း ႁ်ႂႈလႆႈဢၢႆၽႆးယဝ်ႉ ၸဵၼ်းဝႆႉ(2/3)ဝၼ်း ၶိုၼ်းတႅပ်းၽႃႇမႆႉငဝ်ႈ တႅပ်းႁဵတ်းလၵ်း တၢၼ်ႇ3ၼဵဝ်ႉ (12)လၵ်း လဝ်ႁ်ႂႈၶႅမ်ႉ ၸွၼ်ႉတီႈလိၼ်ႁ်ႂႈပဵၼ်သီႇၸဵင်ႇ ၼႃႈဝၼ်းဢွၵ်ႇ ၼႃႈဝၼ်းတူၵ်း ၼႃႈတၢင်းႁွင်ႇ ၼႃႈတၢင်းၸၢၼ်း ၼိုင်ႈၽၢႆယၢၼ်ၵၼ်(6)သွၵ်ႇ ပေႃးယွင်ယ်ႂႇယၢၼ်ၵၼ်(13)သွၵ်ႇ ပၵ်းႁဵတ်း(4 )ၼႃႈ( 1)ၼႃႈ (3)လၵ်း ႁဵမ်းၵၼ် ႁ်ႂႈမၼ်ႈ" ယဝ်ႉ ၶိုၼ်းတႅပ်းမႆႉႁဵတ်းႁၢဝ်း ၽႃႇၸၵ်းတၢၼ်ႇ(2)ၼဵဝ်ႉ ယၢဝ်း(2)ဝႃး ဝႆႉ(100)သဵၼ်ႈ ၶိုၼ်းၸၵ်းမႆႉတၢၼ်ႇ(1)ၼဵဝ်ႉၵိင်ႇၵွႆႈ ယၢဝ်း(1)ဝႃး ဝႆႉ(50)သဵၼ်ႈ ၶိုၼ်းဢဝ်မႆႉၽႃႇႁဵတ်း(2)ၽၢၵ်ႇလိတ်ႉႁ်ႂႈၶႅမ်ႉ ၼၢင်ၵူၼ်ႈယွင် ယိူင်းၸူးမႆႉလၵ်း ဢၼ်ပၵ်းပဵၼ်သဝ်ဝႆႉ(4)ၼႃႈၼၼ်ႉႁ်ႂႈသိုဝ်ႈၵၼ်ယဝ်ႉ ၶိုၼ်းဢဝ်မႆႉ(2)ၼဵဝ်ႉ လႄႈ (1)ၼဵဝ်ႉ တေႇသၢၼ်ၵူၼ်ႈယွင် ပေႃးဢဝ်မႆႉ(2)ၼဵဝ်ႉသၢၼ်သ်ႂႇ(2)သဵၼ်ႈ ၶိုၼ်းဢဝ်မႆႉ(1)ၼဵဝ်ႉ သၢၼ်သ်ႂႇ(5)သဵၼ်ႈ ဢဝ်ပွတ်းမႆႉၸိင် တွၵ်ႇပၼ်လွႆးႁ်ႂႈထီႇ" သၢၼ်ႁ်ႂႈႁွပ်ႈယဝ်ႉ ၶိုၼ်းသၢၼ်ၶိုၼ်ႈၵႂႃႇ ႁ်ႂႈပဵၼ်သီႇၸဵင်ႇ ၶိုၼ်ႈၵႂႃႇတိၵ်း" တေႃႇပေႃးယဝ်ႉ ပေႃးသုင်(12)သွၵ်ႇယဝ်ႉ ၶိုၼ်းမူမ်းပၢၵ်ႇယွင်ၶဝ်ႈ လၢႆးမူမ်း လိမ်ႇတွၵ်ႇ(1)ၼဵဝ်ႉ ၵပ်းသၢၼ်ၵၼ် တေႃႇပေႃးႁွပ်ႈ ၶိုၼ်းထွၼ်သဝ် (12)လၵ်းၼၼ်ႉဢွၵ်ႇ ၵမ်းၼႃႈ"သေ ၶိုၼ်းမူမ်းၶွတ်ႇ ၵူၼ်ႈယွင် ပဵၼ်ဢၼ် သၢၼ်ယွင် ယဝ်ႉတူဝ်ะလီငၢမ်းၶႃႈ.....

လၢႆးတႃးယွင်

1. ဢဝ်ယွင်ဢၼ်သၢၼ်ယဝ်ႉမ်ႂႇ"ၼၼ်ႉ ၸဵၼ်းတၢၵ်ႇလႅတ်ႇႁ်ႂႈႁႃႇလီ/ႁ်ႂႈႁႅင်ႈလီ ၶိုၼ်းၵႂႃႇၶူတ်ႉၶီႈဝူဝ်း ၶီႈၵႂၢႆး မႃးၼွၵ်းယဝ်ႉ တႃး/ဢိုတ်း/ထူမ်ႁူး ႁ်ႂႈၶႅမ်ႉ"ႁွပ်ႈ"တင်းယွင် ၶိုၼ်းတၢၵ်ႇဝႆႉ (3/5)ဝၼ်း မွတ်ႈတေဢမ်ႇၸီး မႅင်းတေဢမ်ႇၸမ် ၶဝ်ႈပိူၵ်ႇတေၶႅမ်ႉ ႁၢဝ်ႈလီ ဝႆႉၵိၼ်လႆႈတင်းပီะ ဝႆႉလႆႈထိုင်(3)ပီะ ၸိူဝ်းၼႆႉၶႃႈ.....

2. ၶုတ်းလိၼ် သီႇၸဵင်ႇ တၢင်းၵႂၢင်ႈ(5)သွၵ်ႇ တၢင်းယၢဝ်း(3)သွၵ်ႇ ဢဝ်မတ်ႉၽိူင်းမႃးၽၵ်ႉႁ်ႂႈယွႆႈ" ၶိုင်ဢဝ်ၽွင်တဝ်ႈၼွၵ်းဢူၼ်" သ်ႂႇထုၼ်ၶၢဝ် ၵဝ်လေႃးၵၼ်ႁ်ႂႈၼဵဝ်" တႃးယွင်ၶဝ်ႈ တၢၵ်ႇဝႆႉ(3/5)ဝၼ်း မူတ်ႉဢမ်ႇတွမ် မႅင်းဢမ်ႇၸီး ဢမ်ႇမီးမွတ်ႈ တေၶၢမ်ႇလႆႈ(2/3)ပီะ ၸိူဝ်းၼႆႉၶႃႈ.....

3. ၶုတ်းဢဝ်လိၼ်ၼဵဝ်လမ် ဢမ်ႇၼၼ် လိၼ်ၼဵဝ်လႅင် မႃးၼွၵ်းၼမ်ႉ သၵ်ႉႁ်ႂႈၼဵဝ် တႃးယွင်ၶဝ်ႈ တၢၵ်ႇ(2/3)ဝၼ်း တေၶၢမ်လႆႈ(1/2)ပီะ ဢၢႆလိၼ်ႁႅင်ႈ/ထၢတ်ႈလိၼ် တေၵဵပ်းပၼ် ၶဝ်ႈပိူၵ်ႇ ပေႃးၶၢဝ်းၵတ်းတေဢုၼ်ႇ ပေႃးၶၢဝ်းမႆႈ တေၵတ်းယဵၼ်လီ တေၶၢမ်ႇလႆႈ(1)ပီะ ၶိုၼ်းၼွၵ်းလိၼ်တႃးၸွမ်းႁွႆးလိၼ်ၵွၵ်းယၢႆႈဢွၵ်ႇ ၸိူဝ်းၼႆႉၶႃႈ.....

ဝၼ်းလီ သၢၼ်ႁဵတ်း ယွင်ၶဝ်ႈ လိူၼ်မ်ႂႇ(3)ၶမ်ႈ(6)ၶမ်ႈ(7)ၶမ်ႈ(13)ၶမ်ႈ(လိူၼ်မူၼ်း)ၸိူဝ်းၼႆႉ လီႁႅၵ်ႈႁဵတ်း ၶႃႈ.....

ဝၼ်းလီ တေႃႉဢဝ်ၶဝ်ႈ သ်ႂယွင် လိူၼ်မ်ႂႇ(3)ၶမ်ႈ(6)ၶမ်ႈ(7)ၶမ်ႈ(13)ၶမ်ႈ(လိူၼ်းမူၼ်း)ဝၼ်းထုၼ်း ၸိူဝ်းၼႆႉ လီႁႅၵ်ႈဢဝ် ၶဝ်ႈသ်ႂႇယွင် ႁွင်ႉပူႇၽၼ်ၶဝ်ႈ ၼၢႆးၽၼ်ၶဝ်ႈ ၶဝ်ႈယွင် ၶႃႈ.....

ပေႃးတေတူင်ၶဝ်ႈၼ်ႂးယွင် ၵႂႃႇတမ်ၵိၼ် ယွၼ်းပူႇၽၼ်ၶဝ်ႈ ၼၢႆးၽၼ်ၶဝ်ႈ သေတူင် တေၼၢတ်းမူတ်း ၼၢၼ်းယွမ်း ၵိၼ်လႆႈႁိူင်" ၵုမ်ႇၵိၼ် ၵုမ်ႇလူႇ တင်းပီะ ၵိၼ်ဢမ်ႇမူတ်း ၸူၵ်းဢမ်ႇသဵင်ႈ ၼႆၶႃႈ.....

ၵူၼ်းမိူဝ်ႈၵွၼ်ႇ မိူဝ်ႈၸၢၵ်ႈတမ်ၶဝ်ႈဢမ်ႇပႆႇမီး တမ်ၶူၵ်ႉမိုဝ်း/သွၵ်ႉမိုဝ်း တမ်ၶူၵ်ႉတိၼ် ၶူၵ်ႉၼမ်ႉ ၶူၵ်ႉမွင်းၸိူဝ်းၼႆႉၶႃႈ.....

ထိုင်ပၢၼ်မီးၸၢၵ်ႈတမ်ၶဝ်ႈ ၼိုင်ႈဝဵင်း မီးၸၢၵ်ႈတမ်ၶဝ်ႈ(1/2)လူင်ႇ ၸိူဝ်းၼႆႉ ၵူၼ်းၸိူဝ်းယူႇ ဝၢၼ်ႈၼွၵ်ႈၼႃးပၢင်ႇ ပေႃးတေလုၵ်ႉ ၼ်ႂးဝၢၼ်ႈ ၵႂႃႇတမ်ၶဝ်ႈၼ်ႂးၵၢတ်ႇ ၼ်ႂးဝဵင်း ၸၢၵ်ႈႁႃႇလႃႇတမ်ၶဝ်ႈၼႆ ၸူဝ်းၵၼ်/ဢဝ်ဝၼ်းၵၼ် တၢင်ႇသိူင်းလေႃႉၵႂႃႇ(3/20)သိူင်း ဢမ်ႇၼၼ် တၢင်ႇမႃႉ တၢင်ႇဝူဝ်း ဢဝ်ႁႅင်းၵူၼ်း ပႃး တဵင်ႇ မႅၵ်ႇ ႁၢပ်ႇ ၵႂႃႇၼွၼ်းတုမ်း မၢင်ะပွၵ်ႈၵျႃႇ(3/4/7)ပဵၼ်ဝူင်ႈ ၸင်ႇတေတမ်ယဝ်ႉ ၸင်ႇဢဝ်သၢၼ်မၼ်းမႃးၵိၼ်ၶႃႈ.....

လၢႆး သွၼ်ႇ တူင် ၶဝ်ႈပိူၵ်ႇ ၶဝ်ႈသၢၼ်

2 ႁူင်း = 1 ယွပ်း

2 ယွပ်း = 1 ၵမ်

2 ၵမ် = 1 ၵွပ်ႇ

2 ၵွပ်ႇ = 1 ၸလေႇ

2 ၸလေႇ = 1 ၶၵ်ႉ

2 ၶၵ်ႉ = 1 ပေႇ

4 ပေႇ = 1ၸိတ်ႉ

2 ၸဵတ်ႉ = 1 ၶႂၢႆး

2 ၶႂၢႆး = 1 တၢင်

2 တၢင် = 1 ၶွၼ်

2 ၶွၼ် = 1လင်

10 တၢင်= 1 ၸေႃး

ၵွၵ်းၼမ်ႉၼူမ်း ၵွၵ်းၸလေႇ ၵွၵ်းၶၵ်ႉ ၵွၵ်းပေႇ ၵွၵ်းၶၢႆး ၼပ်ႉပဵၼ်တၢင် ၼပ်ႉပဵၼ်ၸေႃး ၼပ်ႉ(10)ထူင် ၼပ်ႉ(100)ထူင် ၼပ်ႉ(1000)ထူင် ၸိူဝ်းၼႆႉၶႃႈယဝ်ႉ....

Read More

ၽွၼ်းလီၼမ်ႉၵတ်ႉ မၢၵ်ႇၶၢမ်ပွမ်ႈ (မၢၵ်ႇၶၢမ်) လႄႈလၢႆးၸႂ်ႉပဵၼ်ယႃႈယႃ

 

ၽွၼ်းလီၼမ်ႉၵတ်ႉ မၢၵ်ႇၶၢမ်ပွမ်ႈ (မၢၵ်ႇၶၢမ်)

လႄႈလၢႆးၸႂ်ႉပဵၼ်ယႃႈယႃ

မၢၵ်ႇၶၢမ်ၼႆႉ ၼွၵ်ႈမိူင်းပိူၼ်ႈတႄႉ ဢဝ်တၢၵ်ႇႁႅင်း ဢိတ်ႇႁဵတ်းၽွင်ႁေ ၶၢႆၵွၼ်ႇ ။ ၽွၼ်းလီမၼ်းၸိူဝ်းၼႆႉ ပိၼ်ႇဢဝ်မႃးတီႈ ဝႅပ်ႉသႆႉမၢၼ်ႈ/ထႆး ။

တီႈၵႅပ်ႈမၼ်း -

မၢၵ်ႇၶၢမ် မီးထၢတ်ႈ ဝိတႃႇမိၼ်ႇ c ၼမ် ၊ ၸွႆႈႁႂ်ႈၼိူဝ်ႉၼင်ၶၢဝ်သႂ် ၊ လူတ်းယွမ်းပၼ်လွင်ႈၵႄႇထဝ်ႈ ၊ လုမ်းလႃးတပ်း ယႃႇယႃႈၸပ်းတိူဝ်ႉၵွင်ႉငူၼ်ႉ ၊ ၵႂႃႇၸွႆႈပူၵ်းတိုၼ်ႇတွမ်ႇၼမ်ႉလိူင် ထႅင်ႈႁႅင်း ႁႅင်းၸင်ႈၶၢမ်ႇ တူဝ် ။

1.ရေႃးၵႃႇတူႇလႃႇ တွင်ႉၸဵပ်းတွင်ႉၵႅၼ်း ဢိဝ်ႈ - ၵိၼ်ပႃလမ် ႁုင်လေႃး မၢၵ်ႇၶၢမ်ႁႅင်ႈ ။

2.သင်ပဵၼ်ရေႃးၵႃႇ ၽိဝ်ၼင် ဢၼ်ၶူမ်း/ၵၢႆး ၊ ႁဝ်ႈ ၊ၶီႈၶၢၵ်ႇ ၊ ၼႃႈၽႃႈ ၊ သိဝ် ၸိူဝ်းၼႆႉၸိုင် = ဢဝ်မၢၵ်ႇၶၢမ်လိပ်းၵေႃႈလီ ႁႅင်ႈၵေႃႈလီ ဢဝ်ၽူၼ်ၼိူဝ်မၢၵ်ႇႁိၼ်သေယဝ်ႉတႃးပၼ်တႃႉ ။

3.သင်ပဵၼ်ယဵဝ်ႈၸဵမ်း/ယဵဝ်ႈဝၢၼ် = မၢၵ်ႇၶၢမ် ဢမ်ႇၼၼ် လိၼ်မၢၵ်ႇၶၢမ် +တူမ်ႈၶိုဝ်ႇလေႃး ပၺ်ၸႁႃႈပႃး သေယဝ်ႉၵိၼ်ၼမ်ႉၶိုဝ်ႇၼၼ်ႉ ။

4.သင်ဝႃႈ ၶူႈၼင်ဢွၵ်ႇလိူတ်ႈၸိုင် ဢဝ်မၢၵ်ႇၶၢမ်တမ်လႅဝ်သေယဝ်ႉ ဢဝ်မူဝ်ႉဝႆႉတီႈၼႃႈၽၢၵ်ႇ ။

5. ယဵဝ်ႈၼဝ်ႈ ယဵဝ်ႈမဵၼ်ၸိုင် = ဢဝ်ၽွင်မၢၵ်ႇၶၢမ်ႁႅင်ႈ ၼူတ်ႈလေႃး ၼမ်ႉထၢၼ် ၼမ်ႉၽိုင်ႈ ၼမ်ႉဢွႆႈသေယဝ်ႉၵိၼ် ။

6. ၶီႈဢွၵ်ႇလိူတ်ႈ = ဢဝ်မၢၵ်ႇၶၢမ်လိပ်း တမ်သေယဝ်ႉ မိပ်ႇၼမ်ႉမၼ်းသႂ်ႇလေႃးၼမ်ႉမၢၵ်ႇၽႃႈသေလႄႈၵိၼ် ။

7. လိၼ်ႉတႅၵ်ႇ ၊ သူပ်းတႅၵ်ႇ ၊ ဢွၵ်ႇတူမ်ႇမႆႈ ၼႂ်းသူပ်း ၊ ႁိူၵ်ႇလွၵ်ႈ = ဢဝ်မႂ်မၢၵ်ႇၶၢမ် ၶိုဝ်ႇ 3ၵွၵ်းႁႂ်ႈလိူဝ်1ၵွၵ်းသေယဝ်ႉ ဢဝ်ၼမ်ႉၼၼ်ႉပူၼ်ႈပၢၵ်ႇ ။

8. သင်ၵိၼ်ပၼ် မၢၵ်ႇၶၢမ်ၸိုင် ယူတ်းယႃလႆႈ - ဢႆ ၊ ပၢင်ႈၸဵပ်း ၊ လူမ်းတမ် ။

9. ၽႆးမႆႈ ၊ ၼမ်ႉလိူတ်ႇလူၵ်ႈၸိုင် = ဢဝ်မႂ်မၢၵ်ႇၶၢမ်လိပ်း ၶူဝ်ႈၽႆးသေယဝ်ႉ ႁဵတ်းၽွင်သေ ဢဝ်ဢွႆသႂ်ႇတီႈၸဵပ်းၼၼ်ႉ ။

10. သင်တွင်ႉၶိုၼ်ႈ တွင်ႉဢိဝ်ႈ ၊ တၢင်းၵိၼ်ဢမ်ႇယွႆႈၸိုင် - ဢဝ်မႂ်မၢၵ်ႇၶၢမ်ၼုမ်ႇ ၶိုဝ်ႇလေႃးၼမ်ႉ ပုန်းရည် သေယဝ်ႉၵိၼ် ။

11. ရေႃးၵႃႇ ဢၼ်ၵႆႉပဵၼ်ၸွမ်းတႃၸိူဝ်းၼၼ်ႉၸိုင်- ဢဝ်မွၼ်းမၢၵ်ႇၶၢမ် တမ်လႅဝ်သေယဝ်ႉ ၶိုၼ်းဢဝ်တူမ်ႈလေႃးၼမ်ႉသေ ဢဝ်လၢင်ႉပၼ်တႃ ။

12. သင်ၼၢင်းယိင်း လိူတ်ႈၼႃႈလိူၼ်ၼမ်ပူၼ်ႉတီႈၸိုင် - ၵိၼ်ပၼ်မၢၵ်ႇၶၢမ်ဢၼ်လုၵ်ႈယႂ်ႇၼၼ်ႉ ။

13. တူႇလႃႇသရေႃးၼႃႇ ရေႃးၵႃႇ( မိူဝ်ႈယဵဝ်ႈၼၼ်ႉ ဢႅဝ်တေၸဵပ်းသေယဝ်ႉ တေပႃးယႄႇၶၢဝ်ၶၢဝ်မႃးၸွမ်း ) ၸိုင် - မၢၵ်ႇၶၢမ် ၊ နနွမ်းစုကြီး တမ်လႅဝ်သေယဝ်ႉၵိၼ် ။

14. တူႇလႃႉမုတ်ႉတၵဵၵ်ႉရေႃးၵႃႇ - ၵိၼ်ပၼ်မၢၵ်ႇၶၢမ် ။

15. သင်ၶီႈဢွၵ်ႇလိူတ်ႈလူၼ်ႉလိူဝ်ၸိုင် - ဢဝ်မႂ်မၢၵ်ႇၶိုဝ်သေယဝ်ႉ သႂ်ႇၼမ်ႉထၢၼ် ဢမ်ႇၼၼ် ၵိူဝ်ဝၢၼ်သေယဝ်ႉၵိၼ် ။

16. မၵ်ႉၶရုရေႃးၵႃႇ - ဢဝ်မၢၵ်ႇၶၢမ် ၽဝ်ၽႆးသေယဝ်ႉ ဢဝ်မၢၵ်ႇမၢၵ်ႇၶၢမ်ၼၼ်ႉ လေႃးၼမ်ႉမၼ်းၵိၼ်သေယဝ်ႉ တႃးပၼ် ။

17. သင်ပဵၼ်ဢႅဝ်ၸဵပ်း ဢႅင်ႈၸဵပ်း ၶတ်း၊ ႁိုူဝ်ႉမွႆႈ ၊ တုလႃ ရေႃးၵႃႇ ၸိူဝ်းၼႆႉ - ဢဝ်ပႃယဵၼ်ႇႁၢင်းၽႆးႁႂ်ႈႁႅင်ႈသေယဝ်ႉ ဢဝ်မၢၵ်ႇၶၢမ်ႁႅင်ႈသႂ်ႇသေ တူမ်ႈႁႂ်ႈဢူၼ်ဢူၼ်ၼဵဝ်ၼဵဝ်ယဝ်ႉ ဢဝ်ၵိူဝ် ႁူဝ်ႁွမ်ႁူဝ်မီႇ သႂ်ႇသေဝႆႉသေ သႂ်ႇၼမ်ႉမၼ်းငႃးသေယဝ်ႉ ၵႆႉၵႆႉႁုင်ၵိၼ်၊(ဢမ်ႇၵိၼ်ပၼ် 1ဝၼ်း1ၸေႃႉ ထိုင်2 ၸေႃႉၵေႃႈလႆႈ) ။

18. သင်ပဵၼ်တွင်ႉဢိဝ်ႈ ၶီႈၵႅၼ်ႇ တွင်ႉၼွင်ႇၸိုင် -ဢဝ်မၢၵ်ႇၶၢမ် တၢၵ်ႇႁႅင်ႈသေ သႂ်ႇလေႃးၼမ်ႉၽိုင်ႈၵိၼ် ။

19.

မၢၵ်ႇၶၢမ်ႁႅင်ႈၼႆႉ ႁဵတ်းႁႂ်ႈဢႁႃႇရယွႆႈငၢႆႈသေ ၊ ပဵၼ်ႁႅင်းၵႃႇမယဝ်ႉ ။ ႁဵတ်းႁႂ်ႈၼမ်ႉၸိူဝ်ႉတိူဝ်းမီးၼမ် ၊ ႁူင်းလုၵ်ႈဢွၼ်ႇလီ ၊ ‌ရေႃးၵႃႇ ႁူင်းလုၵ်ႈဢမ်ႇမီးႁႅင်း ၸိူဝ်းၼႆႉႁၢႆလႆႈ ။

20. သင်ၵိၼ်ပၼ် မၢၵ်ႇႁႅင်ႈတမ်ၽွင် သႂ်ႇလေႃးၼမ်ႉၽိုင်ႈၵူႈဝၼ်းၸိုင် -ဢႃႇယုယၢဝ်း ၊ ႁၢင်ႈၽၢင်ႁၢင်ႈလီလဝ်း ။

21. တႃႇ‌ပေႇပႅတ်ႈလွင်ႈယွမ်ၵႅင်း ၊ ႁႂ်ႈထၢတ်ႈၽဵင်ႇလီၼၼ်ႉ - ၵိၼ်ပၼ်မၢၵ်ႇၶၢမ်လိပ်း ။

22. တႃႇႁႂ်ႈသဵင်လီ သဵင်ၸိုၼ်ႈသႂ်ၼၼ်ႉ- ဢဝ်မၢၵ်ႇၶၢမ်ၸေႈၵိူဝ်သေယဝ်ႉ ဢဝ်ႁုင်လေႃးၽၵ်းသေလႄႈၵိၼ် ။

23. ဢႆ ၊ တႃၸဵပ်း ၊ ဢဝ်မၢၵ်ႇၶၢမ်ၸေႈၵိူဝ် ႁုင်လေႃးၽၵ်းသေယဝ်ႉ ၵိၼ် ။

24. လူမ်းၶမ် ၊ တူင်းရေႃးၵႃႇၸိုင်- ၵိၼ်မၢၵ်ႇၶၢမ်ႁႅင်ႈ တမ်ၽွင်သႂ်ႇလေႃးၼမ်ႉၽိုင်ႈ ။

25. ထႅင်ႈလၢႆးၼိုင်ႈ -တႃႇ‌ႁႄႉၵင်ႈ ၼိူဝ်ႉၼင်ႁဵဝ်ႇ ႁႅင်ႈ ၊ ႁႂ်ႈသဵင်လီ သဵင်သႂ်ၸိုၼ်ႈ ၊ ႁၢင်ႈၽၢင်ၼိူဝ်ႉလင်လဝ်း ၊ တႃႇႁႄႉၵင်ႈ ၶီႈၵႅၼ်ႇ တွင်ႉဢိဝ်ႈ ၸိူဝ်းၼႆႉ သင်ဝႃႈဢၢပ်ႇၼမ်ႉယဝ်ႉယဝ်ႉၼႆ ဢဝ်ၽွင်မၢၵ်ႇၶၢမ်ႁႅင်ႈတႃးပၼ်ၸွမ်းတူဝ်မၢင်မၢင် ။

26. ၶီႈၵႅၼ်ႇ ၊ တွင်ႉဢိဝ်ႈ ၊ ႁူဝ်ၸႂ်တိပ်ႇ/ၵပ်ႉ ၊ တၢင်းၵိၼ်ဢမ်ႇလႅဝ် ၊ ပဵၼ်ရေႃးၵႃႇတပ်း ၸိူဝ်းၼႆႉ = ဢဝ်မၢၵ်ႇၶၢမ်ၸေႈၼမ်ႉဝႆႉ12ၸူဝ်ႈမွင်းသေယဝ်ႉ၊ ၶိုၼ်းထွၵ်ႇၼမ်ႉပႅတ်ႈသေ ဢဝ်မႃးတူမ်ႈထႅင်ႈ 3ၸူဝ်ႈမွင်း -ပေႃးယဝ်ႉ ဢဝ်မွၼ်းတၢင်းၼႂ်းမၼ်းဢွၵ်ႇပႅတ်ႈသေ ဢဝ်ၵိူဝ်ဝၢၼ်သႂ်ႇသေယဝ်ႉ ႁဵတ်းယႅၼ်ႈၵိၼ်တႃႉ ။

27. သဵင်ရေႃးၵႃႇ ယဵဝ်ႈၸဵပ်း ယဵဝ်ႈၵႅၼ်းၸိုင်- ဢိတ်ႇဢဝ်ၼမ်ႉမၢၵ်ႇၶၢမ်လိပ်းသေယဝ်ႉ ဢဝ်လေႃးၽွင်ၽႃႇလႃႇ သေယဝ်ႉၵိၼ်ပၼ်တႃႉ ။

28. သင်ပဵၼ်ရေႃးၵႃႇ ယဵဝ်ႈလူၼ်ႉလိူဝ်ၸိုင် - ဢိတ်ႇဢဝ်ၼမ်ႉမၢၵ်ႇၶၢမ် လေႃး ၼမ်ႉၽိုင်ႈ ၵူၺ်ႈသုၵ်း ၵိူဝ်ဝၢၼ်သေယဝ်ႉ လႅမ်ႉပၼ်လွႆးလွႆး ။

29. သင်ပဵၼ်တွင်ႉၸဵပ်း ၊ တွင်ႉၶိုၼ်ႈ ၊ လိူတ်ႈလိူဝ် ၊ ႁၢၵ်ႈဢွၵ်ႇလိူတ်ႈ ၊ လိူတ်ႈတူၵ်း ၸိူဝ်းၼႆႉ - တူမ်ႈမၢၵ်ႇၶၢမ်ႁႅင်ႈသေယဝ်ႉ ဢဝ်ၼမ်ႉတူမ်ႈၼၼ်ႉလေႃးၵိူဝ်ဝၢၼ်သေလႄႈၵိၼ် ။

30. ဢဝ်ၽွင်မၢၵ်ႇၶၢမ်ႁႅင်ႈ ၸေႈၼမ်ႉလိပ်းဝႆႉ ၼိုင်ႈၶိုၼ်းသေ ၵၢင်ၼႂ်ၸဝ်ႉမႃးၸႅၸ်ႈထွင်ဢဝ်ၼၼ်ႉ ႁဵတ်းပဵၼ်ၼမ်ႉယႃႈလၢင်ႉတႃလႆႈ ။ ယႃလႆႈ တႃၸဵပ်း ၊ မုၼ်ႈၶဝ်ႈတႃ ၊ ၸိူဝ်းၼႆႉ ။

31. သင်ၵိၼ်ပၼ် မၢၵ်ၶၢမ်ၵူႈဝၼ်းၼႆ တေၸွႆႈႁႂ်ႈႁူဝ်ၸႂ်(ၼႃႈဢူၵ်း)လီမႃး ။

32. မႂ်မၢၵ်ႇၶၢမ်တူမ်ႈၼႆႉ သင်ၶိုဝ်ႇဢဝ်ၼမ်မၼ်းၵိၼ်ၼႆ ယႃလႆႈရေႃးၵႃႇၼႂ်းသူပ်း ။

32. မၢၵ်ႇၶၢမ်လိပ်းမႂ်ႇမႂ်ႇၼႆႉ ပဵၼ်ႁႅင်းတႃႇႁူင်းၶဝ်ႈ/ထူင်ၶဝ်ႈ ။ ဢဝ်ႁဵတ်းယႃၶႃႈမႅင်းတွင်ႉ(တိုၵ်ႇ)ၵေႃႈလႆႈယဝ်ႉ ။

33. ယႃႁႅင်း= ဢိတ်ႇဢဝ်ၼမ်ႉမၢၵ်ႇၶၢမ် လေႃးမၢၵ်ႇ ထေႃးပၢတ်ႈႁေၵိၼ် ။

38. မၢၵ်ႇၶၢမ်လိပ်းၼႆႉ ဢဝ်ႁဵတ်းယႃႈလၢင်ႉတွင်ႉ(ၶျႃးတွင်ႉ)ၵေႃႈလႆႈ ။

ၶိူဝ်းသႅင်တိုၼ်းတႆး ယီႈ

Read More